Ўзбекистон Республикаси Президентининг кўрсатмасига мувофиқ хориждаги Ўзбекистон фуқароларини Ватанга олиб келиш учун тасдиқланган чартер рейслар жадвалига кўра 28 май куни Uzbekistan airways авиакомпанияси Тошкент – Ростов-Дон – Тошкент ҳамда Тошкент – Истанбул – Тошкент йўналишида парвозни амалга оширди. Мазкур чартер рейслари орқали жами 464 нафар ҳамюртларимиз Ўзбекистонга олиб келинди.   

Шу бугунги кунга қадар ушбу ҳафтада Екатеринбург, Москва, Санкт-Петербург, Ростов-Дон ва Истанбул шаҳарларига жами 5 та чартер рейси амалга оширилиб, 1294 нафар Ўзбекистон фуқароси ортга қайтарилди.

Хориждан қайтган барча фуқаролар белгиланган тартибда 14 кундан кам бўлмаган муддатга карантин марказларига жойлаштирилмоқда.

Бугун 29 май куни Тошкент – Санкт-Петербург – Тошкент ва Тошкент – Москва – Тошкент йўналишларида чартер рейслари амалга оширилади.

30 май куни эса Тошкент – Москва – Тошкент йўналишида чартер қатновини амалга ошириш белгиланган.