O' Z B E K I S T O N   R E S P U B L I K A S I
T R A N S P O R T   V A Z I R L I G I

“Samarqand-Toshkent-Sank-Peterburg” yo‘nalishida muntazam avtobus qatnovi yo‘lga qo‘yiladi

12 Feb

“Samarqand-Toshkent-Sank-Peterburg” yo‘nalishida muntazam avtobus qatnovi yo‘lga qo‘yiladi

Mamlakatimizning turli hududlaridan Rossiya Federatsiyasiga borayotgan yo‘lovchilarga qo‘shimcha qulayliklar yaratish maqsadida "Samarqand-Toshkent-Sank-Peterburg" yo‘nalishida muntazam xalqaro avtobus qatnovlari yo‘lga qo‘yiladi.

Mazkur yo‘nalishda ilk qatnov joriy yilning 25 fevral kunidan boshlanadi. Qannovlar shu kundan boshlab kun ora amalga oshiriladi. Yo‘nalishda O‘zbekiston tomonidan "Uzautotrans service" MChJ va Rossiyaning "TTK GLOBUS" MChJ yo‘lovchilarga xizmat ko‘rsatadi.

Qatnov Samarqand avtovokzalidan soat 09:00 boshlanadi va “Toshkent” avtovokzalidan avtobus 15:00 jo‘naydi. Qatnov masofasi 4436 km.ni tashkil etadi. Yo‘lovchilar Sank-Peterburg markaziy avtovokzaliga elitib qo‘yiladi.

Mazkur yo‘nalish bo‘ylab chipta narxi Samarqanddan 840 000 so‘m Toshkentdan esa 800 000 so‘mni tashkil etadi.

Shuningdek, joriy yilning 15 fevral kunidan e’tiboran Toshkent-Omsk yo‘nalishida ham muntazam avtobus qatnovlari yo‘lga qo‘yiladi. Mazkur yo‘nalish bo‘yicha chipta narxi 450 000 so‘m etib belgilangan.  

Eslatib o‘tamiz, bugungi kunda Rossiya Federatsiyasiga Toshkent- Nijniy Novgorod, Toshkent-Qozon, Toshkent- Moskva yo‘nalishlarida muntazam avtobus qatnovlari amalga oshirilmoqda.

Bugungi kunda transport vazirligi Rossiya Federatsiyasining boshqa shaharlariga ham muntazam avtobus qatnovlarini yo‘lga qo‘yish bo‘yicha muzokaralar olib bormoqda.

Shu o‘rinda safarga chiqayotgan yo‘lovchilardan belgilangan manziliga yetib olishda faqatgina qonuniy asosda faoliyat yuritayotgan va kafolatlangan xavfsiz xizmat ko‘rsatuvchi korxonalar xizmatidan foydalanishni tavsiya etamiz.

Shaharlararo va xalqaro yo‘nalishlardagi muntazam avtobus qatnovlari va chipta narxlari bo‘yicha to‘liq ma’lumotlarni “Toshkent” avtovokzalining (71) 207-87-00 telefon raqamlari orqali olishingiz mumkin.

Do'stlaringizga ulashing:

Boshqa maqolalar:

22 Feb

Xalqaro yo’nalishdagi poyezdlarga ham elektron chiptalar bilan chiqish mumkin

Xalqaro yo’nalishdagi poyezdlarga ham elektron chiptalar bilan chiqish mumkin

22 Feb

MDH Hukumatlararo Yo‘lchilar Kengashi kotibiyati rahbari bilan uchrashuv bo‘lib o‘tdi

MDH Hukumatlararo Yo‘lchilar Kengashi kotibiyati rahbari bilan uchrashuv bo‘lib o‘tdi