2023-yilning 1-noyabr kuni Toshkent shahrida Shanxay hamkorlik tashkiloti Birinchi transport forumi bo‘lib o‘tadi.

Forumni o‘tkazishdan ko‘zlangan maqsad ShHT mamlakatlari transport va logistika sohasi vakillari o‘rtasida hamkorlikni mustahkamlash va samarali transport yo‘laklarini yaratish, transport sohasida istiqbolli loyihalarni muhokama qilish, mavjud loyihalarni amalga oshirish, o‘zaro bog‘liqlikni mustahkamlash, savdo va investitsiyalarni ko‘paytirish, transport va kommunikatsiyalar sohasidagi barqaror iqtisodiy o‘sishni ta’minlash uchun keng imkoniyatlarni yaratishga erishishdan iboratdir.