Joriy yilning 3-iyul kuni Toshkent davlat transport universitetining O‘quv ishlari bo‘yicha prorektori Abdulaziz Gulamov “Airbus International” kompaniyasining Sharqiy Yevropa va Markaziy Osiyo mintaqasi bo‘yicha vitse- prezidenti Jak Garrig va kompaniyaning xalqaro hamkorlik bo‘yicha direktori Hugues Be de Bers bilan uchrashdi.

Uchrashuvda aviatsiya sanoati uchun yuqori malakali kadrlar tayyorlash masalalari muhokama qilindi. Muhokamalar natijasida tomonlar quyidagi kelishuvlarga erishdi:

• transport universiteti laboratoriyalarini Airbus kompaniyasining ko‘magida zamonaviy uskunalar bilan jihozlash;

• Professor-o‘qituvchilarni 6 oylik amaliyotga jalb qilish va malakasini oshirish;

• aviatsiya fakultetida turli mutaxassisliklar bo‘yicha tahsil olayotgan eng yaxshi talabalarni Fransiyaning Tuluza shahridagi Airbus kompaniyasi bazasida ushbu kompaniyaning grantlari hisobidan amaliyot o‘tashini tashkil etish.