Transport vaziri Ilhom Maxkamov Davlatlararo aviatsiya qo‘mitasining (DAQ) yangi saylangan raisi Oleg Storchevoy boshchiligidagi delegatsiya vakillari bilan uchrashdi.

Uchrashuvda fuqaro aviatsiyasi parvozlar xavfsizligini ta’minlash, aviatsiya sohasida kadrlar tayyorlash va ularning malakasini oshirishda o‘zaro hamkorlik masalalari muhokama etildi.

Shuningdek, 2023-yilning 17-29 may kunlari bo‘lib o‘tadigan ICAO auditiga tayyorgarlik va uni o‘tkazishda DAQ tomonidan amaliy yordam sifatida qo‘mita raisi o‘rinbosari A.Zaykoning konsultant sifatida auditda qatnashish masalasi ko‘rib chiqildi.

Uchrashuv yakunida Davlatlararo aviatsiya qo‘mitasi va O‘zbekiston Respublikasi Transport vazirligi o‘rtasida “Aviatsiya hodisalarini tekshirish va ularning oldini olish to‘g‘risida” hamkorlik memorandumi imzolandi.