Bugun, 26-noyabr kuni Transport vaziri o‘rinbosari Jasurbek Choriyev Koreya eksport-import bankining EDCF Operatsiyalar guruhi ijrochi direktori Um Son-Yong bilan uchrashdi.

Uchrashuvda mamlakatimiz transport tizimi va infratuzilmasini rivojlantirish borasida amalga oshirilayotgan loyihalar yuzasidan fikr almashildi.

Xususan, aeroportlar va avtomobil yo‘llari qurilishi bo‘yicha DXSH asosida amalga oshirilayotgan loyihalarni moliyalashtirish imkoniyatlari muhokama etildi.

Shuningdek, uchrashuv davomida tomonlar o‘zaro hamkorlikda sohada istiqbolli loyihalarini amalga oshirish imkoniyatlarini ko‘rib chiqishdi.