Avtomobil transportida xalqaro yuk tashuvlari jarayonida milliy tashuvchilarga qulay sharoit yaratish maqsadida O‘zbekiston Respublikasi Transport vazirligi Ozarbayjon Yer usti transporti agentligi bilan hamkorlikda ruxsatnoma blankalarini elektron ayirboshlash tizimini test-sinov tariqasida yo‘lga qo‘ymoqda.

Shu maqsadda 200 dona elektron ruxsatnoma blankalari ajratilib, taqsimlanmagan holda milliy tashuvchi korxonalarga ularning arizasiga asosan berilishi boshlanganini ma’lum qilamiz.

Test-sinov jarayonida ushbu elektron ruxsatnomalardan foydalanish bo‘yicha texnik kuzatuv ishlari olib boriladi. Mazkur elektron ruxsatnomalardan foydalanish jarayonida muammolar yuzaga kelgan taqdirda Transport vazirligiga murojaat etishingizni so‘raymiz.

Ma’lumot uchun telefon: +998 97 709 16 00, +998 93 365 63 39