Bugun, 2-iyul kuni Transport vaziri Ilhom Maxkamov O‘mon sultonligi transport vazirining birinchi o‘rinbosari Xamis bin Muxammad al-Shamaxiy bilan uchrashdi.

Uchrashuvda tomonlar transport va logistika sohasidagi hamkorlik aloqalarini rivojlantirish bilan bog‘liq jihatlarni muhokama etishdi.

Xususan, tomonlar O‘zbekiston – Turkmaniston – Eron – Ummon transport koridorining barcha ishtirokchilari bilan Ashxobod kelishuvi doirasidagi ishlarni faollashtirishga kelishib oldilar.

Transafg‘on transport koridoridan foydalangan holda Karachi porti orqali O‘monga yuk tashuvlarini tashkil etish, ikki mamlakat o‘rtasida to‘g‘ridan-to‘g‘ri aviaqatnovlarni yo‘lga qo‘yish masalalari yuzasidan fikr almashildi.

Uchrashuvda yakunida muhokama etilgan masalalar yuzasidan alohida ishchi guruhini tashkil etishga kelishib olindi.