Transport vaziri Ilhom Mahkamov Ozarbayjon raqamli rivojlanish va Transport vaziri o'rinbosari Raxmon Gummatov bilan uchrashdi. Uchrashuvda ikki mamlakat o'rtasidagi transport-logistika aloqalarining bugungi holati va uni rivojlantirish istiqbollari, tranzit yuk tashishlarni ko'paytirish imkoniyati va boshqa qator masalalarni muhokama qildi.

Tomonlar yuk tashish hajmini oshirish, yuklarni tashish uchun qulay shart-sharoitlar yaratish, xususan, yuk tashuvlari jarayonini jadallashtirish maqsadida mamlakatlar o'rtasida ruxsatnoma blankalarini elektron (e-permit) ayirboshlash tizimini yo'lga qo'yish bilan bog'liq jihatlar yuzasidan fikr almashdi.