Bugun, 3-iyun kuni Transport vazirligi huzuridagi Fuqaro aviatsiyasi agentligida O‘zbekiston Respublikasi va Qatar davlati aviatsiya ma’muriyati rahbarlari o‘rtasida uchrashuv bo‘lib o‘tdi.

Uchrashuvda fuqaro aviatsiyasi sohasidagi hamkorlik aloqalarini rivojlantirish bilan bog‘liq jihatlarni muhokama etishdi.

Tomonlar joriy yilning 2-iyun sanasidan "Qatar Airways" aviakompaniyasi tomonidan Doha – Toshkent – Doha yo‘nalishida muntazam aviaqatnovlarning yo‘lga qo‘yilishi mamlakatlarimiz o‘rtasidagi hamkorlik rivojining muhim bosqichi ekanligini e’tirof etishdi.

Uchrashuvda tomonlar parvozlar xavfsizligini ta’minlash yo‘nalishida o‘zaro hamkorlik qilishga kelishib oldilar.