Qator yoʻnalishlarda poyezdlar qatnoviga ruxsat berildi

14 Jun

Qator yoʻnalishlarda poyezdlar qatnoviga ruxsat berildi

Respublika maxsus komissiyasi axborotida taʼkidlanishicha, fuqarolarga qulayliklar yaratib berish maqsadida Respublikada epidemiologik vaziyatdan kelib chiqib,“sariq” va “yashil” toifalarga ajratilgan hududlar oʻrtasida sanitariya-gigiyena qoidalariga qatʼiy rioya etgan holda quyidagi poyezdlar qatnovi tiklanishiga ruxsat berildi:

Toshkent - Buxoro - Toshkent;

Toshkent - Termiz - Toshkent;

Toshkent - Xiva - Toshkent;

Toshkent - Nukus - Toshkent;

Andijon - Xiva - Andijon;

Andijon - Buxoro - Andijon;

Andijon - Termiz - Andijon.

Bunda, Transport vazirligi Sogʻliqni saqlash vazirligi huzuridagi Sanitariya-epidemiologik osoyishtalik agentligi bilan birgalikda hududlardagi epidemiologik vaziyatdan kelib chiqib poyezdlar qatnov rejasini belgilab boradi.

Shuningdek, Toshkent-Samarqand-Toshkent yoʻnalishi boʻyicha sanitariya-epidemiologik talablarga qatʼiy rioya etgan holda “Afrosiyob” poyezdlarining qatnovlari yoʻlga qoʻyilishiga ruxsat berildi.

Manba: UzA

Do'stlaringizga ulashing: