Joriy yilning 12-avgust kuni Xitoyning Tyanzin dengizchilik kolleji hamda Toshkent davlat transport universiteti rahbariyati o‘rtasida uchrashuv bo‘lib o‘tdi.

Uchrashuvda Luban ustaxonasining II bosqichi - obyektni qurish loyihasini amalga oshirish bilan bog‘liq masalalar muhokama etildi. Xususan, birinchi bosqichda mavjud “IT laboratoriyasi”ni modernizatsiya qilish hamda II-bosqichda qurilishi nazarda tutilgan “Logistika laboratoriyasi”ni “O‘quv-trening ishlab chiqarish markazi”ga aylantirish ko‘zda tutildi.

Shuningdek, uchrashuv davomida 2024-yil sentyabr oyida “Luban ustaxonasi” loyihasi doirasida 20 nafar talabalarni o‘qishga va 5 nafar professor-o‘qituvchilarni stajirovkaga Xitoy Xalq Respublikasiga yuborishga kelishib olindi.

Uchrashuv yakunida qiymati 69 ming AQSH dollariga teng bo‘lgan “Intellektual logistikani o‘qitish platformasi” nomli ilmiy-amaliy laboratoriya uskunalarini O‘zbekiston tomoniga topshirish bo‘yicha kelishuv imzolandi.