O‘zbekiston Respublikasining «Shahar yo‘lovchilar transportidan bepul foydalanishni tartibga solish to‘g‘risida»gi 278-I-sonli Qonuniga muvofiq, quyidagi shaxslar shahar yo‘lovchilar transportidan (taksidan tashqari) bepul foydalanish huquqiga ega:

1941–1945 yillardagi urush qatnashchilari jumlasidan bo‘lmish harbiy xizmatchilar;
1941–1945 yillardagi urush nogironlari va urushning I guruh nogironiga hamrohlik qiluvchi shaxs;
1941–1945 yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar;
Afg‘oniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan bo‘lmish fuqarolar;
Haqiqiy muddatli harbiy xizmatni o‘tayotgan harbiy xizmatchilar va kontrakt bo‘yicha oddiy askarlar hamda serjantlar tarkibidagi harbiy xizmatchilar;
Chernobilь AES halokati oqibatida nurlanish kasalligiga chalingan va uni boshdan kechirgan shaxslar;
Ko‘zi ojiz 1 gurux nogironlar va ko‘zi ojiz nogironga hamrohlik qiluvchi shaxs.
Hozirgi kunga Toshkent shahrida 5391 dona guvoxnomalar amalda foydalanilmoqda (2019 yil 1 dekabr holatiga)

Haqiqiy muddatli harbiy xizmatni o‘tayotgan harbiy xizmatchilarga va kontrakt bo‘yicha oddiy askarlar hamda serjantlar tarkibidagi harbiy xizmatchilarga guvohnoma berilmaydi. Ular harbiy guvohnomasi yoki kontrakt asosida xizmat qiluvchining shaxsiy guvohnomasini ko‘rsatgan taqdirda shahar yo‘lovchilar transportida (taksidan tashqari) bepul yurish huquqidan foydalanadi.
O‘zbekiston Respublikasi Vazirlar Mahkamasining
2012 yil 17 sentyabrdagi "Umumiy foydalaniladigan transportda yo‘lovchi tashuvchilar faoliyatini hamda ularni moliyalashtirish tartibini takomillashtirish" to‘g‘risidagi 273-sonli qaroriga muvofiq - imtiyoz va chegirishni hisobga olgan holda, yo‘lovchilarning ijtimoiy guruhi, ya’ni pensionerlar, nogironlar uchun "Toshshahartransxizmat" AK ning tegishli tarmoqlari orqali sotuvda bo‘lgan (bank plastik kartochkalari orqali ham sotiladi) oylik transportda yurish kartochkalari amalda foydalanilishi ma’lum qilinadi.