O‘zbekiston Respublikasi Prezidentning tegishli qarori bilan Tursunov Jamshid Yunusovich Transport vazirligi huzuridagi Avtomobil yo‘llari qo‘mitasi raisi vazifasini bajaruvchi etib tayinlandi 

Jamshid Tursunov 1979-yilning 20-fevralida Buxoro tumanida tug‘ilgan. Millati – o‘zbek. Oilali. Ma’lumoti – oliy, 2000-yilda Toshkent moliya institutini, 2003-yilda O‘zbekiston Respublikasi Bank-moliya Akademiyasini tamomlagan.

Mehnat faoliyatini 2000-yilda O‘zbekiston Respublikasi Markaziy banki Moliya departamenti moliyaviy ta’minlash va nazorat qilish bo‘limi yetakchi iqtisodchisi lavozimida boshlagan.

2021-yilda O‘zbekiston Respublikasi Transport vazirligi huzuridagi Avtomobil yo‘llari qo‘mitasi raisining o‘rinbosari lavozimida ishlagan. Tayinlovga qadar Buxoro viloyati hokimining birinchi o‘rinbosari lavozimida faoliyat yuritib kelayotgan edi.