Fransiya Fuqaro aviatsiyasi Bosh Boshqarmasi hamkorligida Milliy fuqaro aviatsiyasi bilim yurti (ENAC) tomonidan “O‘zaviatsiya” agentligida o‘quv kurslari o‘tkazilmoqda.

Joriy yilning 20–24 - fevral kunlari davomida tashkil etilayotgan ushbu o‘quv kurslarida “O‘zaviatsiya” agentligining 12 nafar inspektorlari ishtirok etishmoqda.

O‘quv kursi Milliy fuqaro aviatsiyasi bilim yurti katta o‘qituvchisi Pierre Roselini tomonidan “Inspektor tekshiruvlarini o‘tkazish” (“Audit SMS techniques”) yo‘nalishi bo‘yicha olib borilmoqda.

Mazkur o‘quv kursi O‘zbekiston Respublikasi Prezidentining 2022-yil noyabr oyida Fransiyaga amalga oshirgan oliy darajadagi tashrifi doirasida imzolangan “Fuqaro aviatsiyasi sohasida texnik hamkorlik to‘g‘risidagi Kelishuv”ga asosan tashkil etildi.