Viloyatda yo‘lovchi tashish faoliyati bilan shug‘ullaniluvchi “Ekspress Dolina” MChJ QKga tegishli 26 dona YUTONG rusumli avtobuslar 10 oktyabr sanasidan yo‘nalishlarga chiqarildi.

Yangi avtobuslar Namangan shahrining 1-sonli “Otchopar bosh bekati - Taxtako‘prik” va 3-sonli “Yuksalish – Chorsu” yo‘nalishlarida harakatlanmoqda.

Shuningdek, tez kunlarda 2-sonli “Otchopar bosh bekati - Chorsu” yo‘nalishida ham 12 dona yangi avtobuslarda xizmat ko‘rsatilishi boshlanadi.

Ushbu yo‘nalishlarda qatnovlar brutto-shartnomasi asosida amalga oshirilmoqda.

O‘zbekiston Respublikasi Prezidentining “Jamoat transporti tizimini isloh qilish chora-tadbirlari to‘g‘risida”gi PQ-59 son qarori ijrosi doirasida viloyatlarga yangi zamonaviy avtobuslar olib kelinishi davom etmoqda.