Вилоятда йўловчи ташиш фаолияти билан шуғулланувчи “Экспресс Долина” МЧЖ ҚКга тегишли 26 дона YUTONG русумли автобуслар 10 октябр санасидан йўналишларга чиқарилди.

Янги автобуслар Наманган шаҳрининг 1-сонли “Отчопар бош бекати - Тахтакўприк” ва 3-сонли “Юксалиш – Чорсу” йўналишларида ҳаракатланмоқда.  

Шунингдек, тез кунларда  2-сонли “Отчопар бош бекати - Чорсу” йўналишида ҳам 12 дона янги автобусларда хизмат кўрсатилиши бошланади.

Ушбу йўналишларда қатновлар брутто-шартнома асосида амалга оширилмоқда.

Ўзбекистон Республикаси  Президентининг “Жамоат  транспорти тизимини ислоҳ қилиш чора-тадбирлари тўғрисида”ги  ПҚ-59 сон қарори ижроси доирасида вилоятларга янги замонавий автобуслар олиб келиниши давом этмоқда.