Avval xabar berilganidek, Saudiya Arabistoni poytaxti Ar-Riyod shahrida ICAOning "ICAN-2023" tadbiri bo‘lib o‘tdi. Tadbir doirasida O‘zbekiston va Bangladesh aviatsiya ma’muriyatlari o‘rtasida uchrashuv bo‘lib o‘tdi.

Uchrashuvda ikki davlat o‘rasida havo qatnovlari to‘g‘risidagi bitimning yakuniy matni kelishildi. Unga ko‘ra muqaddam Bangladesh tomonidan O‘zbekiston aviakompaniyalaridan Bangladeshga parvozlarni amalga oshirish jarayonida har bir yo‘lovchi, yuk va bagajning har bir kilogrammi uchun undirib kelingan “royalti” to‘lovi bekor qilinishi nazarda tutilgan.

Ma’lumot uchun: O‘zbekistonning “Uzbekistan airways” aviakompaniyasi 1998 - yildan boshlab Toshkent – Dakka yo‘nalishida aviaqatnovlarni amalga oshirib kelgan, biroq 2007 - yilga kelib ushbu aviaqatnovlar vaqtinchalik to‘xtatilgan.