25-sentabr kuni Pekin shahrida "Barqaror transport: dunyoni bog‘lovchi logistika" shiori ostida o‘tkazilayotgan Barqaror transport bo‘yicha global forum o‘z ishini boshladi.

Tadbir global hamkorlikni mustahkamlash va xavfsiz, samarali, ekologik toza, tejamkor, inklyuziv hamda barqaror transport tizimini rivojlantirishga ko‘maklashishga qaratilgan.

Forum davomida ishtirokchilar birgalikda bir qator amaliy natijalarni, jumladan, BMTning 2030-yilgacha bo‘lgan davrda Barqaror rivojlanish kun tartibini amalga oshirish va transportning barqaror rivojlanishiga ko‘maklashish bilan bog‘liq tashabbuslarni taqdim etdilar.

Forumning yalpi majlisida Transport vaziri I.Maxkamov so‘zga chiqdi.  U o‘z nutqida O‘zbekiston transport siyosatida ustuvor o‘rin tutadigan transportni rivojlantirishning 5 ta asosiy yo‘nalishini qayd etdi:

• mintaqaviy va xalqaro bog'liqlikni rivojlantirish;

• barcha mamlakatlar uchun transport infratuzilmasini rivojlantirish sohasida hamkorlikni kengaytirish;

• yangi texnologiyalarning integratsiyasi;

• iqlim o‘zgarishiga qarshi kurashda transport sektorining ishtiroki;

• barqaror transport bo'yicha global hamkorlikni yaratish.

Shuningdek, xalqaro transport tizimi faoliyati samaradorligini oshirish bo‘yicha bir qator takliflarni ilgari surdi.