O‘zbekiston Respublikasi transport infratuzilmasini rivojlantirish doirasida Jahon banki ko‘magida yangi "Toshkent – Andijon" tezyurar avtomagistralini qurish loyihasi ishlab chiqildi.

Loyihaning asosiy parametrlari:

• Uzunligi: 314 km

• Yo‘l vaqtini qisqartirish: 5 soatdan 3 soatgacha

• YaIMning kutilayotgan o‘sishi: +2,6%

• YTH darajasini pasayishi: -40%

"Toshkent – Angren – Qamchiq dovoni" uchastkasini amalga oshirish yuzasidan xususiy sherikni aniqlash bo‘yicha joriy yilning 22-yanvar kuni e’lon qilingan tenderga ko‘plab yetakchi xorijiy kompaniyalar qiziqish bildirmoqda.

Uchastkaning loyihaviy tavsifi:

• 1A toifasidagi 6 ta harakat polosali uchastka - 138 km

• 1A toifasidagi 4 ta harakat polosali uchastka - 33 km (tonnel qismi)

• Tunnellar soni: 10 ta, shu jumladan eng uzuni - 6,7 km

Loyihaning amalga oshirilishi qulay harakatlanish sharoitlarini ta’minlaydi, yo‘l harakati xavfsizligini oshiradi va hududlararo logistika jarayonlarini sezilarli darajada tezlashtiradi.