Poytaxtimizdagi «O‘zekspomarkaz» milliy ko‘rgazma majmuasida 20-yubiley «Transport va logistika – TransLogistica Uzbekistan 2024» ko‘rgazmasi o‘z faoliyatini boshladi.

Transport sanoatining yetakchi kompaniyalarini bir maydonda jamlagan ko‘rgazma ekspozitsiyasida transport va logistika sohasining so‘nggi yutuqlari va takliflari, shuningdek, logistika operatsiyalarini soddalashtiradigan va avtomatlashtiradigan raqamli va IT yechimlari namoyish etilmoqda.

Ko‘rgazmaning tantanali ochilish marosimida transport vaziri o‘rinbosari Jasurbek Choriyev ishtirok etdi.

Dunyoning 14 mamlakatidan 70 dan ortiq kompaniya vakillari ishtirok etayotgan ushbu xalqaro ko‘rgazma yana bir bor transport sohasining temir yo‘l, dengiz, aviatsiya, tijorat transporti va transport-logistika xizmatlari kabi sohalarini birlashtirgan samarali maydonga aylandi.

Tadbir 5-7 noyabr kunlari "O‘zekspomarkaz" milliy ko‘rgazma majmuasida bo‘lib o‘tadi.