Пойтахтимиздаги «Ўзэкспомарказ» миллий кўргазма мажмуасида 20-юбилей «Транспорт ва логистика – TransLogistica Uzbekistan 2024» кўргазмаси ўз фаолиятини бошлади.

Транспорт саноатининг етакчи компанияларини бир майдонда жамлаган кўргазма экспозициясида транспорт ва логистика соҳасининг сўнгги ютуқлари ва таклифлари, шунингдек, логистика операцияларини соддалаштирадиган ва автоматлаштирадиган рақамли ва IT ечимлари намойиш этилмоқда.

Кўргазманинг тантанали очилиш маросимида транспорт вазири ўринбосари Жасурбек Чориев иштирок этди.

Дунёнинг 14 мамлакатидан 70 дан ортиқ компания вакиллари иштирок этаётган ушбу халқаро кўргазма яна бир бор транспорт соҳасининг темир йўл, денгиз, авиация, тижорат транспорти ва транспорт-логистика хизматлари каби соҳаларини бирлаштирган самарали майдонга айланди.

Тадбир 5-7 ноябрь кунлари "Ўзэкспомарказ" миллий кўргазма мажмуасида бўлиб ўтади.