Uzbekistan Airways aviakompaniyasi qisqa masofalarga qulay narxlarda parvozlarni amalga oshirish uchun yangi LET L-410 samolyotini ekspluatatsiyasini boshladi. Let L-410 marshrut tarmog'i ancha yillar oldin havo qatnovi to'xtatilgan yo'nalishlarni qayta ko'rib chiqishni o’z ichiga oladi.

LET L-410 samolyoti uzunligi 510 metr bo'lgan deyarli har qanday uchish-qo'nish yo'laklariga qo'na oladi va 19 yo'lovchini tashish uchun mo'ljallangan, shuningdek, 1500 kilometrgacha parvoz qilish imkoniyatiga ega. Ushbu havo kemasida amalga oshiriluvchi birinchi reys 20-iyul kuni Toshkent - Samarqand – Toshkent yo'nalishi bo'yicha rejalashtirilgan. Chiptalar narxi bir tomonga 104 000 so'mdan boshlanadi.