Bugun, Olmaotada “Mojaroli hududlar ustidan yoki yaqinidan parvozlarni amalga oshirishda xavfni baholash” mavzusidagi xalqaro seminar o‘z ishini boshladi.

Xalqaro fuqaro aviatsiyasi tashkiloti (ICAO), xavfsiz osmon bo‘yicha maslahat qo‘mitasi (SSCC) va Qozog‘iston Respublikasi aviatsiya ma’muriyati tomonidan tashkil etilgan seminarning asosiy maqsadi aviatsiya sanoatining barcha sohalari o‘rtasida umumiy yondashuvni ishlab chiqish va fuqaro aviatsiyasi uchun xavf tug‘diruvchi omillarni oldini olishdan iboratdir.

Seminarda “O‘zaviatsiya” agentligi mutaxassislari ham ishtirok etishmoqda.

Ishtirokchilar mojaro zonalari yoki ularning yaqinida fuqaro havo kemalarining parvozlari uchun xavflarni baholash va boshqarish bilan bog‘liq keng ko‘lamli masalalarni muhokama qiladilar.