Бугун, Олмаотада “Можароли ҳудудлар устидан ёки яқинидан парвозларни амалга оширишда хавфни баҳолаш” мавзусидаги халқаро семинар ўз ишини бошлади.

Халқаро фуқаро авиацияси ташкилоти (ICAO), хавфсиз осмон бўйича маслаҳат қўмитаси (SSCC) ва Қозоғистон Республикаси авиация маъмурияти томонидан ташкил этилган семинарнинг асосий мақсади авиация саноатининг барча соҳалари ўртасида умумий ёндашувни ишлаб чиқиш ва фуқаро авиацияси учун хавф туғдирувчи омилларни олдини олишдан иборатдир.

Семинарда “Ўзавиация” агентлиги мутахассислари ҳам иштирок этишмоқда.

Иштирокчилар можаро зоналари ёки уларнинг яқинида фуқаро ҳаво кемаларининг парвозлари учун хавфларни баҳолаш ва бошқариш билан боғлиқ кенг кўламли масалаларни муҳокама қиладилар.