Milliy tashuvchilar bildirgan takliflarini inobatga olib, korxonalarga yanada kengroq imkoniyatlar, qulayliklar yaratish maqsadida ayrim davlatlarning xorijiy ruxsatnoma blankalarini berishda quyidagi tartib o‘rnatildi.

Rossiya ruxsatnomalari – xalqaro tovar-transport yuk xati (CMR) asosida;

Ozarbayjon ikki tomonlama ruxsatnomalari – eksport deklaratsiyasi asosida;

Polsha ikki tomonlama/tranzit ruxsatnomalari – yo‘nalish bo‘yicha ruxsatnoma blankalari mavjud bo‘lganda eksport deklaratsiyasi, u yerdan qaytish bo‘yicha xalqaro tovar-transport yuk xati (CMR) asosida arizaga biriktirgan holda;

Polsha universal ruxsatnomalari – yo‘nalish bo‘yicha ruxsatnoma blankalari mavjud bo‘lganda, xalqaro tovar-transport yuk xati (CMR) asosida beriladi;

Rossiya, Ozarbayjon, Xitoy, Polsha, Litva, Estoniya, Vengriya, Slovakiya, Italiya, Germaniya davlatlari ruxsatnomalaridan tashqari barcha davlat ruxsatnomalari asl nusxasini vazirlikka  topshirish amaliyotidan voz kechildi va ularning elektron nusxasini “Е-avto ruxsatnoma” AATga yuklagan holda foydalanilganligi bo‘yicha tizimdan chiqariladi.