Миллий ташувчилар билдирган таклифларини инобатга олиб, корхоналарга янада кенгроқ имкониятлар, қулайликлар яратиш мақсадида айрим давлатларнинг хорижий рухсатнома бланкаларини беришда қуйидаги тартиб ўрнатилди.

Россия рухсатномалари – халқаро товар-транспорт юк хати (CMR) асосида;

Озарбайжон икки томонлама рухсатномалари – экспорт декларацияси асосида;

Польша икки томонлама/транзит рухсатномалари – йўналиш бўйича рухсатнома бланкалари мавжуд бўлганда экспорт декларацияси, у ердан қайтиш бўйича халқаро товар-транспорт юк хати (CMR) асосида аризага бириктирган ҳолда;

Польша универсал рухсатномалари – йўналиш бўйича рухсатнома бланкалари мавжуд бўлганда, халқаро товар-транспорт юк хати (CMR) асосида берилади;

Россия, Озарбайжон, Хитой, Польша, Литва, Эстония, Венгрия, Словакия, Италия, Германия давлатлари рухсатномаларидан ташқари барча давлат рухсатномалари асл нусхасини вазирликка  топшириш амалиётидан воз кечилди ва уларнинг электрон нусхасини “Е-авто рухсатнома” ААТга юклаган ҳолда фойдаланилганлиги бўйича тизимдан чиқарилади.