Aholidan kelib tushayotgan ko‘plab murojaatlarni inobatga olgan holda hamda Toshkent shahar aholisiga qulaylik yaratish maqsadida, Toshkent shahar transport boshqarmasining 2019 yil 16 dekabrdagi 100-sonli buyrug‘iga asosan Toshkent shahar, Mirzo Ulug‘bek tumani, Mirzo Ulug‘bek qo‘rg‘onidan Buyuk ipak yo‘li metrosiga harakatlanuvchi yangi 45M-sonli "Mirzo Ulug‘bek qo‘rg‘oni - Buyuk ipak yo‘li metrosi" yo‘nalishli taksi yo‘nalishi tashkil etildi. 45M-sonli yo‘nalishli taksi yo‘nalishi 8 ta jadval asosida 11-12 daqiqalik interval bilan "OQ YO'L AVTO TRANS" MChJga tendergacha vaqtinchalik biriktirildi. Yo‘nalish 2019 yilning 17 dekabr sanasidan "Mirzo Ulug‘bek qo‘rg‘oni - Buyuk ipak yo‘li metrosi" oralig‘ida harakatlana boshlaydi.

O'zbekiston Respublikasi Transport Vazirligi axborot xizmati