Bugun, 15 -noyabr kuni Transport vaziri Ilhom Mahkamov Jahon bankining Yevropa va Markaziy Osiyo infrastrukturasi bo‘yicha mintaqaviy direktori Charlz Korme boshchiligidagi Jahon banki delegatsiyasi bilan uchrashdi.

Uchrashuv davomida tomonlar Jahon banki ko‘magida mamlakatimiz transport sohasida amalga oshirilayotgan islohotlarni qo‘llab-quvvatlashga qaratilgan hamkorlik masalalarini muhokama qildilar.

Xususan, Jahon banki ishtirokida temir yo‘l va havo transporti sohasini isloh qilish, shuningdek, transport va yo‘l infratuzilmasi sohasida DXSh asosidagi loyihalarni amalga oshirish masalalari yuzasidan fikr almashildi.