“Uzbekistan Airports” AJ O‘zbekiston Respublikasi Hukumati nomidan Transport vazirligi hamda Iqtisodiyot va moliya vazirligi bilan birgalikda, “Urganch xalqaro aeroportini modernizatsiya qilish va boshqarish” bo‘yicha davlat-xususiy sheriklik (“DXSh”) loyihasi to‘g‘risida 2024-yil 1-avgustda e’lon qilingan tenderning malaka oshirish so‘rovi bosqichi (RfQ) yakunlanganligini e’lon qiladi.

Barcha taqdim etilgan takliflar puxta o‘rganib chiqilganidan so‘ng, Idoralararo tender komissiyasi tomonidan RfQ bosqichidan o‘tgan ishtirokchilar ma’qullandi.

Ushbu bosqichda jami 8 nafar kompaniya ishtirok etgan bo‘lib, ulardan 5 tasi keyingi bosqich – g‘olib aniqlanadigan Takliflar so‘rovi (RfP) bosqichiga saralab olindi.