Мазкур ташриф давомида Корея Республикаси Ер, транспорт ва инфратузилма вазири ўринбосари Юнг Сонг Вон, “Korea Expressway Corporation” корпорацияси ижрочи бошқарув директори Чан-бонг Ли, Корея хорижий инфратузилма ва шаҳарларни ривожлантириш корпорацияси президенти Кан Хун Ли, Корея экспорт ва импорт банки бош директори Чон Гю Парк билан музокаралар ўтказилди.

 

Музокараларда транспорт ва йўл хўжалиги соҳасида давлат-хусусий шериклик шартлари асосида қўшма лойиҳаларни амалга ошириш, мамлакатимиз жамоат транспорти тизимини Корея тажрибасини қўллаган ҳолда ислоҳ қилиш, соҳага интеллектуал транспорт тизимларини жорий этиш масалалари юзасидан фикр алмашилди.

 

Шунингдек, истиқболли инвестиция ва грант лойиҳаларига Корея молия институтлари мабалағларини жалб қилиш имкониятлари батафсил муҳокама қилинди ҳамда келгусидаги аниқ режалар белгилаб олинди.

 

Музокаралар якунида Ўзбекистон Республикаси Транспорт вазирлиги билан “Korea Expressway Corporation” корпорацияси, Корея хорижий инфратузилма ва шаҳарларни ривожлантириш корпорацияси ўртасида транспорт ва йўл хўжалиги соҳасида Аҳдлашув Меморандумлари имзоланди.