O' Z B E K I S T O N   R E S P U B L I K A S I
T R A N S P O R T   V A Z I R L I G I

“Самарқанд-Тошкент-Санк-Петербург” йўналишида мунтазам автобус қатнови йўлга қўйилади

12 Feb

“Самарқанд-Тошкент-Санк-Петербург” йўналишида мунтазам автобус қатнови йўлга қўйилади

Мамлакатимизнинг турли ҳудудларидан Россия Федерациясига бораётган йўловчиларга қўшимча қулайликлар яратиш мақсадида "Самарқанд-Тошкент-Санк-Петербург" йўналишида мунтазам халқаро автобус қатновлари йўлга қўйилади.

Мазкур йўналишда илк қатнов жорий йилнинг 25 февраль кунидан бошланади. Қанновлар шу кундан бошлаб кун ора амалга оширилади. Йўналишда Ўзбекистон томонидан "Uzautotrans service" МЧЖ ва Россиянинг "ТТК ГЛОБУС" МЧЖ йўловчиларга хизмат кўрсатади.

Қатнов Самарқанд автовокзалидан соат 09:00 бошланади ва “Тошкент” автовокзалидан автобус 15:00 жўнайди. Қатнов масофаси 4436 км.ни ташкил этади. Йўловчилар Санк-Петербург марказий автовокзалига элитиб қўйилади.

Мазкур йўналиш бўйлаб чипта нархи Самарқанддан 840 000 сўм Тошкентдан эса 800 000 сўмни ташкил этади.

Шунингдек, жорий йилнинг 15 февраль кунидан эътиборан Тошкент-Омск йўналишида ҳам мунтазам автобус қатновлари йўлга қўйилади. Мазкур йўналиш бўйича чипта нархи 450 000 сўм этиб белгиланган.  

Эслатиб ўтамиз, бугунги кунда Россия Федерациясига Тошкент- Нижний Новгород, Тошкент-Қозон, Тошкент- Москва йўналишларида мунтазам автобус қатновлари ҳам амалга оширилмоқда.

Бугунги кунда транспорт вазирлиги Россия Федерациясининг бошқа шаҳарларига ҳам мунтазам автобус қатновларини йўлга қўйиш бўйича музокаралар олиб бормоқда.

Шу ўринда сафарга чиқаётган йўловчилардан белгиланган манзилига етиб олишда фақатгина қонуний асосда фаолият юритаётган ва кафолатланган хавфсиз хизмат кўрсатувчи корхоналар хизматидан фойдаланишни тавсия этамиз.

Шаҳарлараро ва халқаро йўналишлардаги мунтазам автобус қатновлари ва чипта нархлари бўйича тўлиқ маълумотларни “Тошкент” автовокзалининг (71) 207-87-00 телефон рақамлари орқали олишингиз мумкин.

Дўстларингизга улашинг:

Бошқа мақолалар

03 Apr

Президент: халқимиз кўп асрлик тарихида не-не қийинчиликларни мардонавор енгиб ўтган​

Президент: халқимиз кўп асрлик тарихида не-не қийинчиликларни мардонавор енгиб ўтган​

02 Apr

Замонавий технология ва янги имкониятлар тадбиркорликнинг ривожи йўлида

Замонавий технология ва янги имкониятлар тадбиркорликнинг ривожи йўлида

Telegram каналига қўшилинг ва энг сўнгги янгиликлардан хабардор бўлинг!
Аъзо бўлиш