Мулоқот чоғида икки мамлакат ўртасида транспорт логистикаси соҳасидаги кенг кўламли ҳамкорлик истиқболлари муҳокама қилинди. Хусусан, юк авиаташувларини ривожлантириш юзасидан фикр алмашилди.

 

Ким Чанг Кеон коронавирус пандемияси туфайли авиация соҳаси жиддий қийинчиликларни бошдан кечираётганини таъкидлади. Шу муносабат билан у Ўзбекистон ва Жанубий Корея ўртасида бизнес уюшманинг фаол қўллаб-қуватлови ва ёрдами билан ҳаётга тадбиқ этилаётган йирик лойиҳалар доирасида «Uzbekistan Airways» билан ҳамкорликда юк ташиш лойиҳаларини амалга оширишни таклиф этди.

 

Ўз навбатида, Илҳом Маҳкамов бизнес уюшма билан ҳамкорликни ривожлантириш, ўзаро муносабатларнинг янги қирраларини жорий этишдан манфаатдорлик билдирди.