Андижон вилояти транспорти бошқармаси маълумотларига кўра 21 июнь санасидан 14 - сон “Гулшан – Марказий шаҳар шифохонаси” йўналишида автобуслар ҳаракати қайта йўлга қўйилди.

Мазкур йўналишда ҳаракатланувчи автобуслар шаҳардаги 3 та олий таълим муассасаси Андижон давлат университети, Андижон давлат тиббиёт институти, Андижон машинасозлик институтини боғловчи Бобур шоҳ кўчаси орқали қатновларни амалга оширади.

Ҳозирда ушбу йўналишда 20 та ISUZU русумли автобуслар йўловчиларга хизмат кўрсатмоқда. Автобусларнинг ўртача ҳаракатланиш оралиқ вақти 10 дақиқа бўлиб, йўлкира нархи 1000 сўмни ташкил этади.