Ўзбекистон Республикаси Вазирлар Маҳкамасининг 2018 йил 15 мартдаги “Автомобилда юк ва йўловчиларни халқаро ташишни янада тартибга солиш чора-тадбирлари тўғрисида” ги 202-сонли қарорининг 1-иловаси билан тасдиқланган “Автомобилда юк ва йўловчиларни халқаро ташишга рухсатномаларни айирбошлаш квотасини белгилаш, тақсимлаш, бериш ва фойдаланиш тартиби тўғрисида низом”нинг 34-бандига асосан, фойдаланилган хорижий/кўп томонлама рухсатномалар Ўзбекистон Республикаси ваколатли органига сафар якунланганидан сўнг бир ой муддатда, фойдаланилмаганлари — уларнинг амал қилиш муддати тугаган кундан бошлаб йигирма календарь кундан кеч бўлмаган муддатда қайтарилиши ҳамда миллий ташувчилар хорижий/кўп томонлама рухсатномаларни илова хати билан бирга топширишлар, унда қайтарилган сана, давлат/кўп томонлама рухсат бериш тизими номи ва хорижий/кўп томонлама рухсатномалар рақамлари қайд этилиши, ушбу рухсатномалар илова қилиниши лозимлиги кўрсатиб ўтилган.

Юқоридагиларни инобатга олиб, Сиздан 2019 йил учун фойдаланилган ҳамда уларнинг амал қилиш муддати тугаган хорижий/кўп томонлама рухсатномаларни жорий йилнинг 20 февраль кунига қадар Ўзбекистон Республикаси Транспорт вазирлигининг Рухсатномалар бўлимига топширишингизни сўраймиз.

2019 йилда фойдаланилган ҳамда уларнинг амал қилиш муддати тугаган хорижий/кўп томонлама рухсатномаларни ўз вақтида топширмаган корхоналарга нисбатан 2020 йил давомида тақдим этаётган аризалари орқали олиши мумкин бўлган хорижий/кўп томонлама рухсатномаларнинг сонига таъсир этишини маълум қиламиз.