Бугун яна бир гуманитар юк ортилган поезд Ўзбекистондан Қирғизистонга юборилди. 200 ўринга мўлжалланган ихтисослаштирилган шифохона контейнерлари қўшни давлат "Қизил-Қия" темир йўл станциясига етиб келди.

Улар юқумли касалликлар шифохонаси қурилишига йўналтирилган. Яқин келажакда қардош давлатга яна бир хил модулли иншоотларни юбориш режалаштирилган.

Эслатиб ўтамиз, ушбу акция Ўзбекистон Республикаси Президенти ташаббуси билан биродар Қирғиз халқини қўллаб-қувватлаш тадбири доирасида ташкил этилди.