Транспорт вазирининг биринчи ўринбосари Маманбий Омаров Литванинг «GIRTEKA GROUP» компанияси директорлар кенгаши аъзоси ва таъсисчиси Эдвардас Ляховичюс бошчилигидаги делегация билан учрашди.

Учрашувда мамлакатимиз транспорт ва логистика тизимига хорижий инвестицияларни жалб этган этган ҳолда янги лойиҳаларни амалга ошириш билан боғлиқ масалалар муҳокама этилди.

Жумладан, Ўзбекистон ҳудудида «GIRTEKA GROUP» компанияси билан ҳамкорликда логистика марказини ташкил этиш, халқаро автомобилда ташувлар бўйича ҳайдовчилар ва менежерларини ўқитиш ва қайта тайёрлаш юзасидан фикр алмашилди. 

«GIRTEKA GROUP» Европада экспедиторлик ва транспорт хизматлари соҳасида етакчилардан бири бўлиб, компания Ўзбекистон транспорт ва логистика бозорига киришга қизиқиш билдирмоқда.