Транспорт вазирлигида "Миллий малака тизимини тартибга солувчи меъёрий ҳужжатларни ишлаб чиқиш ва жорий этиш усуллари" мавзусида семинар-тренинг ўтказилди.

Тадбир Транспорт ва автомобилсозлик соҳасида касбий малакаларни ривожлантириш тармоқ кенгаши томонидан Миллий малака тизимини ривожлантириш институти мутахассислари билан ҳамкорликда ташкил этилди.

Семинар давомида миллий малака тизимини ривожлантириш, меҳнат бозори ва таълим тизимини уйғунлаштириш, шунингдек, мутахассислар малакасига қўйиладиган талабларни ҳуқуқий ва институционал жиҳатдан тартибга солиш масалалари юзасидан тушунтиришлар берилди.