Эрон ҳудуди орқали автомобилда халқаро юк ташувларини амалга оширишда ундириладиган йиғим ва тўловлар камайтирилди.

Ўзбекистоннинг экспорт ва импорт юк ташувларини Эрон ҳудуди орқали ривожлантириш, Эронда миллий ҳайдовчиларимиздан ундириладиган йиғим ва тўловларни қисқартириш бўйича Транспорт вазирлиги томонидан қатор тизимли ишлар олиб борилиши натижасида 2025 йил 10 январдан бошлаб, Эрон томони ўзбек ҳайдовчиларидан ундириладиган йиғимлар миқдорини 400 АҚШ долларига камайтирди.

Шу билан бирга, Транспорт вазирлиги томонидан Эрон ҳудудида Ўзбекистон миллий ташувчиларидан ундириладиган йиғимларни янада қисқартириш бўйича ишлар давом эттирилмоқда.