2020-йил 16-октабр куни Транспорт вазирлигида Ўзбек тили байрами арафасида “Қадринг баланд бўлсин, она тилим” умуммиллий шиори остида маънавий-маърифий учрашув ўтказилди.

Тошкент давлат транспорт университети мутахассислари иштирокидаги анжуманда транспорт атамаларининг муаммолари ҳамда уларни ҳал қилиш масалалари атрофлича муҳокама қилинди.

Шунингдек, учрашув давомида университет ўқитувчилари томонидан тилимизнинг юксалиш йўли, тарихий аҳамияти, бу йўлдаги қийинчиликлар, республика сиёсий ҳаётида ва адабиёти тараққиётида тутган ўрни тўғрисида муҳим маълумотлар берилди, шунингдек, ўзбек тилининг давлат тили сифатидаги нуфузини ошириш бўйича олиб борилаётган ишлар юзасидан фикрлар билдирилди.