Ўзбекистон Республикаси Президентининг 2021 йил 30 апрелдаги ПҚ-5100-сонли «Фуқаро авиацияси корхоналарини трансформация қилиш ва қўллаб-қувватлаш чора-тадбирлари тўғрисида»ги Қарорининг 12-банди билан «Ўзаэронавигация» Маркази Давлат Унитар Корхонасига чет эл авиакомпанияларга хизматларни кўрсатиш (экспорт) учун нархларни хорижий валютада белгилашга рухсат берилган.

2021 йил 1 июндан бошлаб Ўзбекистон Республикаси аэропортларида қўниш билан парвозларни амалга оширувчи, Ўзбекистон Республикасининг норезидентлари – авиакомпаниялари учун Ҳаводаги Ҳаракатга Хизмат кўрсатиш (ҲҲХ) хабарномаларини ва флайт-планларни ишланиши учун тарифлар ва аэродром районидаги аэронавигацион хизматлари учун тарифлар, эркин - конвертация қилинадиган валютада нашр этилади ва қуйидаги миқдорларда белгиланади:

• Аэродром районида йўналиш (яқинлашуви) бўйича аэронавигацион хизматлари 50 АҚШ доллари (ҚҚС ҳисобга олинмасдан);

• Ҳаво кемасини учиш /қўнишини таъминлаш вақтида аэронавигацион хизматлари - ҳаво кемасининг максимал кўтарилиш вазнининг ҳар бир тоннаси учун 5 АҚШ доллари (ҚҚС ҳисобга олинмасдан);

• Флайт-планларни ишланиши - 16 АҚШ доллари (ҚҚС ҳисобга олинмасдан)

• Ҳаводаги Ҳаракатга Хизмат кўрсатиш (ҲҲХ) хабарномаларини ишланиши - 16 АҚШ доллари (ҚҚС ҳисобга олинмасдан)