Қорақалпоғистон Республикасининг чекка ҳудудидаги Жаслиқ бекатигача борадиган йўловчилар учун қулайлик яратиш мақсадида жорий йил октябр ойида қўшимча поездлар қатнови амалга оширилади.

484 -сонли ушбу йўловчи поезди 2020 йил 15,  19,  22,  25,  29 ва 30 октябрь кунлари Тошкент марказий вокзалидан соат 23: 20 да жўнайди.  Мазкур поезд ҳаракати давомида Самарқанд,  Бухоро,  Мискен,  Қўнғирот вокзаллари орқали ўтиб Жаслиқ бекатигача боради. 

Чипталарни “Ўзбекистон темир йўллари” АЖнинг веб-сайти  e-ticket. railway.uz орқали электрон шаклда сотиб олиш мумкин.

Қўшимча маълумотларни Тошкент шаҳридаги 1005 қисқа телефон рақами,  жойлардаги темир йўл кассалари ҳамда маълумотлар бюросидан олиш мумкин.