Жорий йил 7 июлдан 8 июлга ўтар кечаси Тошкент темир йўл муҳандислари институтининг Шимолий Кавказ кон-металлургия институтида “Ўзбекистон темир йўллари” АЖнинг гранти асосида таҳсил олаётган талабалар “Ўзбекистон темир йўллари” АЖ томонидан ташкил этилган махсус Минводи – Тошкент авиарейси орқали Ўзбекистонга олиб келинди.

Мазкур рейсда жами 118 киши олиб келинди, шу жумладан Н.Э. Бауман номидаги Москва Давлат техника университети, Москва Давлат пўлат ва қотишмалар институти ҳамда Санкт-Петербург давлат алоқа йўллари университетида таҳсил олаётган талабалар ҳам қайтарилди.

Барча талабалар Тошкент темир йўл муҳандислари институти талабалар турар жойида карантинга олинди. «Ўзбекистон темир йўллари» АЖ томонидан карантин даврида талабалар учун барча зарур маиший шароитлар яратиб берилди. Белгиланган карантин даври тугагандан сўнг барча талабалар уйларига юборилади.