Транспорт вазири Илҳом Махкамов 19 февраль куни  Саудия Арабистони Подшоҳлиги Ҳаж ва Умра ишлари вазири Тавфиқ бин Фавзон ар-Рабиа бошчилигидаги делегация вакиллари билан учрашди.

Учрашувда томонлар “Умра” ва “Ҳаж” мавсумида Ўзбекистондан зиёратчиларни авиақатновлар орқали ташиш бўйича ўзаро муносабатларнинг жорий ҳолатини, шунингдек, Саудия Арабистони авиакомпанияларининг 2025 йилги “Ҳаж” ва келгуси даврлардаги дастурларда иштирок этиш имкониятларини муҳокама этишди.