Транспорт вазирининг биринчи ўринбосари Маманбий Омаров бошчилигидаги ишчи гуруҳ Навоий вилоятига хизмат сафарига борди.

Хизмат сафари давомида аҳолига кўрсатилаётган транспорт хизматлари сифатини ошириш, йўловчиларга қўшимча қулайликлар яратиш, ҳудудларда жамоат транспорти тизимини такомиллаштириш бўйича ўрганиш ишлари олиб бормоқда.

Вилоятнинг ҳар бир шаҳар ва туманларида транспорт тизимидаги масалалар бўйича таклиф ва мулоҳазалар атрофлича ўрганиб чиқилмоқда.

Хусусан, Навоий шаҳри, Кармана, Конимех ва Навбаҳор туманларида бўлиб ўтган учрашувларда транспорт тизими билан боғлиқ муаммолари маҳаллабай кесимида ўрганиб чиқилди.

Учрашувларда кўтарилган масалалар ва билдирилган таклифлар бўйича тегишли мутасаддилар иштирокида аниқ ечим ва таклифлар ишлаб чиқилмоқда.