11 ноябрь куни Транспорт вазири Илҳом Махкамов Япониянинг Sojitz корпорацияси Бош менежери Масаёши Хироси билан учрашди.

Учрашувда томонлар транспорт инфратузилмасини ривожлантириш, аэропортларни модернизация қилиш ҳамда темир йўл соҳасига илғор тажрибаларни татбиқ этишда ҳамкорлик йўналишлари юзасидан фикр алмашди.

Эслатиб ўтамиз, Sojitz корпорацияси Япониянинг энг йирик савдо сотиқ, инвестиция компанияларидан бири ҳисобланиб, фаолияти иқтисодиётнинг барча тармоқларини қамраб олади. Унинг 50 та мамлакатда 80 дан ортиқ ваколатхоналари мавжуд. Компания машинасозлик, аэропорт, транспорт, энергетика, соғлиқни сақлаш, кимё, тоғ-конь, қишлоқ хўжалиги соҳаларида фаол ишлайди.