“ТОШКЕНТ” автовокзали

Тўлиқ реконструкция қилиниб, янгича қиёфа касб этган «Тошкент» автовокзали расман 2019 йилнинг 10 май кунидан эътиборан йўловчиларга хизмат кўрсатишни бошлади.

Автовокзалда йўловчилар учун барча замонавий шарт-шароитлар яратилган. Меҳмонхона, она ва бола ҳамда тиббиёт хоналари, савдо дўконлари, аёллар ва эркаклар учун алоҳида намозхона ташкил этилган.

Бу эрда бир вақтнинг ўзида 2 мингдан зиёд йўловчига хизмат кўрсатиш имконияти яратилган. Автовокзалда 31 та перрон ва 80 та автобус учун жой мавжуд.

Бугунги кунда “Тошкент” автовокзалидан 21 та шаҳарлараро ва 12 та халқаро йўналишларда мунтазам автобус қатновлари амалга оширилмоқда.