Бугун, 4 ноябрь куни транспорт вазири ўринбосари Абдусамат Мўминов Корея аэрокосмик университети ректори Ху Хи Ёнг бошчилигидаги делегация вакиллари билан учрашди.
Учрашувда Корея аэрокосмик университети билан ҳамкорликда фуқаро авиацияси соҳасида кадрлар тайёрлаш ва малакасини ошириш йўналишида ҳамкорликни йўлга қўйиш масалалари муҳокама этилди.
Дастлаб учрашувда транспорт вазири ўринбосари А.Мўминов мамлакатимизда авиация бозорини либераллаштириш ва рақобатни ривожлантириш мақсадида фуқаро авиацияси тизимида олиб борилаётган ислоҳотларга тўхталиб ўтди.
Ушбу жараёнда эса юқори малакали мутахассисларга бўлган талаб кун сайин ортиб бораётгани ва соҳа учун профессионал кадрларни тайёрлаш долзарб аҳамиятга эга эканлигини таъкидлаб ўтди.
Ўз навбатида Корея аэрокосмик университети ректори Ху Хи Ёнг мамлакат фуқаро авиация соҳаси учун кадрлар тайёрлаш йўналишида ўзаро ҳамкорликда янги лойиҳаларни амалга ошириш ҳар икки томон учун ҳам манфаатли эканлигини қайд этди.
Учрашув якунида томонлар муҳокама қилинган ҳамкорлик йўналишлари доирасида келгусида амалга ошириладиган вазифаларни белгилаб олдилар.
O'zbekcha
Русский
English
Чоп этиш
Саҳифани улашиш
04.11.2022 
3474 
Yangiliklar