“Дўстлик” чегара пости орқали Қирғизистон Республикасидан юртимизга кириб келган ва Жаҳон Соғлиқни сақлаш ташкилоти тавсиясига асосан 14 кунлик карантин кузатувига олинган 175 нафар фуқарода касаллик аниқланмаганлиги боис, уларнинг ўз уйларига қайтиши учун рухсат берилди.
Мутасаддиларнинг хабар беришича, Андижон туманидаги “Боғишамол” болалар дам олиш лагерида сақланган ушбу фуқароларнинг ҳеч бирида карантин даврида коронавирус аломатлари кузатилмаган. 14 кунлик изоляциядан сўнг улар тиббий текширувдан ўтказилди, махсус аппаратлар орқали лаборатор ва бошқа диагностик таҳлиллар олинди. Текширув ва таҳлиллар натижаларига кўра, уларнинг бирортасида ҳам касаллик аломатлари топилмади.
Карантин кузатувида бўлганлар учун зарур барча шароитлар яратиб берилди, уларнинг саломатлиги тиббиёт ходимлари томонидан доимий кузатиб борилди. Андижон тумани ички ишлар бўлими ва ҳарбийлар томонидан узлуксиз назорат остида бўлди.
Карантиндан кузатилган фуқаролар Андижон, Фарғона, Наманган, шунингдек, Тошкент, Самарқанд, Бухоро вилоятлари ва Қорақалпоғистон Республикасида истиқомат қилувчи шахслар бўлган.
Вилоят ҳокимлиги, соғлиқни сақлаш бошқармаси ва бошқа мутасадди ташкилотлар кўмаги билан 127 нафар фуқаро махсус автомашиналарда ўз уйларига жўнаб кетган бўлса, 48 нафар фуқаро “Андижон” темирйўл вокзалидан махсус поезд орқали яшаш манзилларига кузатилди.
O'zbekcha
Русский
English
Чоп этиш
Саҳифани улашиш
07.05.2020 
5539 
Yangiliklar